التخطي إلى المحتوى

بقلم : سعيد حماد

صراحة يوميا إتصالات ورسائل بسبب المنشور الخاص بالانتدابات
وآخرها من حوالى ساعة
-معلمة تعمل في مدرسة لها نصاب ينقص حصتين الموجه اصدر لها خطاب ندب خارج المدرسة لاستكمال النصاب فقلت لها منتدبة علشان حصتين قالت لأ اعطانى ست حصص خارج المدرسة يعنى اضاف لها اربع حصص زيادة عن النصاب وكمان تخيلو ست حصص في يومين وعشرون حصة في ثلاثة أيام شوفوا الاستعباد
اتقوا الله يا سادة وحضرتك ما لكش حق تضيف لها حصص زيادة عن نصابها ولو رفضت ما تقدرش تحولها للتحقيق وكفاية اهدار تنتدبها خارج المدرسة علشان حصتين يا مفتري
ولا الأخ التاني منتدب في مكان وبيقول للموجه ان يعدل ندب لمكان قريب شوية اصل بقاله سنين متبهدل علشان منتدب من إدارة بعيدة بيقوله ما عنديش غير كده واذا كان عاجبك يا ترجع إدارتك الأصلية
بصوا يا جماعة جميع خطابات الندب التى تنفرد بها التوجيهات غير صحيحة ويجوز الطعن عليها كما لا يجوز نقل المعلم او ندبه من اوحدة التى بها زيادة إلى التى بها عجز في تخصصه إلا بناءً على طلبه
والإلزام الوحيد الموجود بالقرار الوزاري هو الندب الجزئي لاستكمال النصاب فقط اما غير ذلك فيمكنك الطعن على خطاب النقل او الندب
ملحوظة
شايف ان صدر لك خطاب ندب او نقل وانت مظلوم تقدم بشكوى طالما الشكوى صحيحة ما فيش مشكلة
اي شخص من حقك تتقدم ضده بشكوى وهو من حقه الدفاع عن نفسه