التخطي إلى المحتوى

جروبها و اعملوها مع ولادكوا و قضوا وقت حلو في حاجة من عمايل ايديكوا 😍

😍
الطريقة بالتفصيل 👇
المقادير:-
نص كيلو (حمص،فول سوداني،سمسم)
١٧٠جرام سكر
١٧٠جرام عسل جلوكوز
٦٠مل مية
٥٠مل مية ورد
زيت درة للفرد
الطريقة:-
في حلة هنحط السكر والعسل الجلوكوز و المية و في نفس الوقت حلة تانية هنحط الحمص او السمسم او السوداني و نحمصه علي نار هادية
-هنلاقي السكر داب و اختلط مع باقي المكونات هنقلبه لغاية ما يدوب خالص و يغلي
-اول ما لونه يوصل للون الدهبي الغامق او مرحلة الكراميل الابيض هنحط مية الورد و نقلب
-و علشان نعرف انه جهز هنختبره (هنحط في طبق فيه مية ساقعة معلقة صغيرة من خليط العسل و نسيبه دقيقة لو نمسكها لو لاقينها كورة طرية يبقي لسا العسل مستواش لو نشفت و بتتكسر يبقي العسل جاهز
-هنطفي النار و نحط (الحمص او السوداني او السمسم)
-ونقلب بسرعة ونفرده علي ورق زبدة او مفرش سيلكون او بلاستيك راب و مدهون بزيت درة و نفرده كويس بالنشابة المدهونة زيت و نساوي الحروف كويس علشان تطلع شكلها متساوي
-هنستني دقيقة بالظبط و هنقطعه و هو لسا طري بالسكينة الاشكال او الحجم اللي احنا عاوزينه و نسيبها تبرد لغاية ما تنشف خالص و كدا بقيت جاهزة💪
“”دي حاجات مهمة لازم تخلوا بالكوا منها وانتوا بتعملوه””
-لازم تستخدوا معلقة خشب علشان درجة حرارة السكر بتبقي عالية جدا و اي معلقة معدن هتوصل الحرارة لإيدينا
-لو مش هتستخدموا مفرش سيلكون او ورق زبدة استخدموا البلاستيك الاسترتش و لازم تدهنوا زيت كويس
-في مرحلة الفرد لازم ابقي سريعة جدا علشان لو نشفت مش هنعرف نقطعها و نقسمها خالص
-حطوا معلقة مية ورد في اخر دقيقة من سوا السكر علشان ريحته و نكته متتبخرش وتبقي باينة .
-لو عملتوا كميات كبيرة اعملوا كيلو كيلو مش اكتر من كدا علشان مش هتلحقوا تفردوه و هيكون نشف
-بعد ما تنشف و تبقي جاهزة غلفوها كويس بأكياس او بلاستيك راب علشان مش تطري .
و دي المقادير بالكوباية علشان اللي مش عندوا ميزان :-
-كوباية الا ربع سكر
-كوباية الا ربع عسل جلوكوز
-ربع كوباية مية
-٣ معالق كبار مية ورد
و هنزلكوا طريقة كل نوع لوحدوا بالصور والتفصيل .